لوحكمنا عقلنا هنشرب كلنا
لوحكمنا عقلنا هنتعالج كلنا
لوحكمنا عقلنا هنشبع كلنا
لوحكمنا عقلنا هنشتغل كلنا
لوحكمنا عقلنا هنتعالج كلنا
لوحكمنا عقلنا هنشبع كلنا
لوحكمنا عقلنا هنشتغل كلنا
حملة علشان نحكم عقلنا الاعلانات الخاصة بالحملة دى شوفتها منتشرة فى شارع الجامعة و بجد استفزتنى جدا. طبعا تحت كل جملة من دول موجود صورة ظريفة كدة و معبرة يعنى مثلا تحت جملة هنشبع كلنا دى صورة طابور عيش واقف فية خمس او ست اشخاص واقفين طبعا بكل ادب و اخلاق و مبتسمين بالظبط كأنهم واقفين علشان يتصوروا.اما حملة هنتعالج كلنا دى بقى موجود معاها صورة معبرة جدا مريض مبتسم كدة و الدم هينط من وشة من كتر سعادته بالدكتور الحليوة الى واقف يكشف علية. صورة كدة تفكرك بالمشهد اللى بيجى فى الافلام و الدكتور ضحكته من الودن للودن وطالع يبشر الزوج ان مراته حامل .والنبى الناس دى بتشتغلنا و لا بتشتغل مين هوا احنا برده مش عايشين فى البلد دى و شايفين هو طابور العيش ده مش مسلسل يومى بنعيش فيه و نتزق و نتزغد و نتبهدل و نضيع بتاع تلت او اربع ساعات من يومنا علشان فى الاخر نأخد العيش ابو ظلت الى بقى حجمه اد الاسبرينة و المريض الى فى الصورة الى قاعد فى اوضة مجهزة على اعلى درجة ياجدعان انا و الله هخرج من هدومى انا بعدى ادام مستشفى الصدر كل يوم الصبح و الله بشوف طابور اطول من طابور العيش لدرجة انى بحس ان الناس كلها عندها امراض صدرية و ام المصريين و الله الناس بتضرب بعضيها علشان تدخل تكشف و الدكتور الحليوة المسمسم المبتسم للحياة اللى موجود فى الصورة مرتبه الشهرى بسم الله ما شاء الله كده علشان الحسد بتاع ميتييييين جنية و مش بعيد يكون طالب امتياز و لا حتى فى التكليف و مش طاليل حتى المتيين جنيه الى احنا باصينلو فيهوم.نرجع لموضوع تحكيم العقل انا معلوماتى بتقول ان العقل السليم فى الجسم السليم و الجسم السليم اللى هو خالى من الامراض و اللى هو بيتغذا كويس و الغذا ده و العلاج عاوزين فلوس و الفلوس بتيجى من الشغل طب منيييين؟؟؟
العقل ده علشان يتحكم لازم يكون فيه اكل و شورب و علاج و فلوس علشان بجيب كل ده. يبقى احنا بنطلب اللى مش هيتحقق و لا لا .
هتحكم عقلك هتاكل طب اكلنى علشان عقلى يشتغل ماهو انت علشان تاكل كحم عقلك الاول. و نرجع لمشكلة مين الاول البيضة ولا الفرخة احكم عقلى ولا اكل الاول ؟؟
