طاطى راسك طاطى طاطى
انت فى وطن ديموقراطى
انت بتنعم بالحرية
بس بشرط تكون مطاطى
لما تكون شغال بذمة
خايف على مصلحة الامة
شغلك يطلع من غير لازمة
علشان مبيعلاش غير واطى
لما حاميها يكون حراميها
وبلاده ورا ضهره رميها
طالع نازل واكل فيها
مسنود بالبدلة الضباطى
لما شقاك يصبح مش ليك
فقرك سد السكة عليك
تتلفت تلاقى حواليك
اما حرامى واما مطاطى
طاطى راسك طاطى طاطى
انت فى وطن ديموقراطى
منقوووووووول
ليست هناك تعليقات:
إرسال تعليق