هع هع هع

نوبة ضحك هستيرى تجتاحنى فى هذا الوقت المتأخر من اليل لو كان الوقت بدرى شوية كنت اتصلت بفوزى نضحك سوا هع هع هع المهم ندخل على سبب الضحك ...
أتفقت انا و صديق ليا أن أحنا نعمل ديودراما سوا الموضوع شدنى بصراحة و عليها مكدبتش خبر و أشتريت حبة نصوص مسرحية و كنت قاعدة من شوية بفر فيهم علشان أختار واحد مناسب هع هع هع ... مش عارفة ابطل ضحك هع هع هع
أول واحدة كانت طويلة و مملة التانية بقى هى الى عليها الكلام أسم الرواية أتنين من دخان طبعا الاسم شدنى لان منة يبان ان ابطال الرواية انين بس ودة المطلوب و أسم البطل رفعت بس أسم البطلة حسناء هع هع هع المهم تدور أحداث الرواية أن الاتنين دول كانوا بيحبو بعض و فركشوا و الكلام دة من عشريين سنة و جايين انهاردة يتعاتبوا فى الرواية.....يالسخرية القدر هع هع هع عالم قلبها أسود .... بتشرب اية الصبح و لا فبل ما تنام مش عارفة امتى بظبط المهم بتبلع حاجة و خلاص علشان تظبط مع العلمات هع هع هع .........
فينك يا فوزى تشاركنى الهعهعه دلوقتى زمانك غرقان فى الرز بالبن وسايبنى اهعهع لواحدى
هع هع هع هع

المزيد من اللعنات لن يضر شيئا

فى لحظات سحطى و غضبى العن هذا الزمان الذى يتباطى عن المضى قدما الى الأمام و العنة اكثر و أكثر عندما يتسابق الخطى و نحن نجلس سويا...العنة مع كل دقيقة يسلبنى اياها و أتسائل
لماذا لا يضعنى هذا الزمان اللعين فى حساباته؟
لماذا لا يرعانى و يرأف بحالى و يقدر انى حقا أحتاج لهذه السويعات التى نقضيها سويا؟
أللعن هذا الزمان الذى دائما ما يعاند رغباتى و يتسابق فى الرحيل عندما أرجوه البقاء
العنه و العنه و المزيد من اللعنات لن يضر شيئا.

أفكار مشوشة(2)

جوايا صحرا...عواصف رملية ...
و الرملة بتطير و بتدخل فى عنيا....مش شايفة
الرملة عميانى و الصحرا كبيرة عليا...
هو السراب أختفى و لا أنا الى مش شايفاه ؟
الصحرا كبيرة مابتنتهيش ...
********************
أريد أن أخرج ما بين ضلوعى و القيه فى البحر حتى يزيل مابه من آثار
أريد ايضا أن أخرج كل ما بفكرى و القيه فى مكان ما و لا استرجعه أبدا
*******************

من أعلى

لو أن أحدا يضمن لى أننى لو القيت بنفسى من هذا الأرتفاع سأسقط جثة هامدة لما ترددت أن أفعلها !!
لو أن خنجرا يشق صدرى ...
لو أن أحدا يأتى و يدفعنى من الخلف لأسقط من هذا الأرتفاع ...
لو أن شيئا يحدث فيسلبنى أفكارى و ذكرياتى ....
ستذهب حينئذ كل ألامى
*******************
هى الأماكن الى بتفكرنا و لا احنا الى بنفكر نفسنا؟؟
أعاود النظر من أعلى مبنى عمارة وتجتاحنى الرغبة وأتسائل ماذا لو اننى ألقيت بنفسى من هذا الأرتفاع؟
لو أن أحدا يضمن لى أننى لو القيت بنفسى من هذا الأرتفاع سأسقط جثة هامدة لما ترددت أن أفعلها !!
********************

موقف

عندما التقيت بصديقى فى ذلك اليوم كنت أتوقع أن يأتى به معه لكى يفض ما بيننا من أختلافات و نعود مثلما كنا.
لنكن أكثر واقعية أننى كنت أتمنى ذلك أكثر من أنى أتوقعه,عندما نظرت الى المكان الذى ينتظرنى فيه صديقى رأيته واقفا معه و تصارعت دقات قلبى لدرجة التوقف.....ولكنه لم يكن معه لقد تدخلت رغباتى وجعلت عقلى يصور لى ما أتمناه.
بعد تبادل السلام مع صديقى دار بيننا هذا الحوار :

أنا: كنت أتوقع أن تأتى به معك اليوم و تقوم بدور حمامة السلام (ضحكة قصيرة)
صديقى :مامنوش فايدة
أنا: أبتلعت ما تبقى من كلام و رسمت أبتسامة على وجهى ....غيرت الموضوع و أنطلقنا فى طريقنا دون الرجوع ثانية لتلك النقطة .

مبدأ يتراجع

الحياة لا تتوقف عند أحد مبدأ دائما اعتنقه ألا انه اليوم يتنحى جانبا ليفسح لك المجال لتستثنى نفسك من هذا المبدأ.
فأنت حقا تستحقها منذ ان التقيت بك من عدة أيام و رغم أن اللقاء لم يدم أكثر من ساعتين الا أننى شعرت بسعادة لا توصف
وهأنت الآن الاستثناء الوحيد فى حياتى المعترف به.

علشان أنسى

كل حاجة بتفكرنى ....علشان أنسى لازم اتخلى عن كل حاجة كنت بعملها وأغير حياتى و مكانى و معارفى و أصدقائى و ذكرياتى و الأغانى و الموسيقى و الشوارع و الطرقات و العربيات و المقاهى وأحاسيسى و دماغى و أفكارى و.......و..........و.....حاجات كتيييييير
من الآخر أكون حد تانى غيرى أنا.

شيكولاتة

لن أخفى ابدا عشقى للشيكولاتة .انهاردة بعد شغلى دخلت ابو ذكرى علشان أشترى معجون أسنان و بادى أسبراى طبعا مقدرتش امسك نفسى امام ثلاجة الشيكولاتة و و جدتنى دون ادرى آخذ من كل نوع موجود و كان عزائى الوحيد انى من أول بكرة هشن حملة لأنقاص وزنى وأن أعتبر اليوم هو اليوم المفتوح .


انفرد بنفسى الأن و على نغمات موسيقى اعشقها أتناول قطعة قطعة من الشيكولاتة مع رشفة نسكافية
همممممممممممممممممممممممم
أذوب و أذوب بين مذاق الشيكولاتة مع النسكافية و أذهب لعالم آخر ......
تتراقص روحى على نغمات تلك الموسيقى و تسبح فى عالم من الشيكولاتة
همممممممممممممممممممممممممم

انها حقا رائعة .

تساؤلات غريبة

تساؤلات غريبة تثير اسئلة كثيرة اكتر منها مثيره لاجابات

أنت مسلمة؟
أنت ليه مش بدخنى؟
أنت مبسوطة ليه انهارده اوى كدة؟فى حاجة معينة حصلت؟
أنت مدايقة علشان هو خدعك و لا علشان بتحبيه؟

فىىىىىىىى اييييييييييه............

هو أنا لازم علشان أكون مبسوطة لازم حاجة معينة تحصل ؟
هو لازم أفكر فى سبب انبساطى؟؟!!
طب ما افكر فى الى مدايقنى وأتجنبه افضل
هتفرق فى ايه اذا كنت مدايقة علشان بحبه و لا علشان خدعنى؟؟
النتيجة واحدة ....أنا مدايقة و خلاص...يمكن للسببين معا ...يمكن مش علشان اى سبب منهما.
هو معنى ان عندى افكار متتحررة انى مش مسلمة؟
مش بعرف اجاوب على أسئلة ....مش بعرف...
ياريت الناس ترحمنى و تبطل تثير أسئلة ملهاش أجابة