انهاردة احتفلت بعيد ميلادى مع رانيا صاحبتى كان يوم جامد و مش مترتب خالص .الاحتفال كان منقسم لجزأين الاول روحنا فطرنا فى المطعم الصينى كنا صايميين احنا الاتنين بس الاكل كان جامد وغريب وقعدنا نحاول نستجدم العصى فى الاكل طبعا رانيا يأست من اول محاولة بس انا فضلت صامدة للنهاية و اسخدمت العصى فى اكل المكرونة فعلا مش عارفة اذاى بس كانت عملية مضحكة طحن.بعد كدة روحنا ماك المكان المفضل ليا انا و رانيا و خدنا الايس كريم الى بنحبه انا وهى وهعدنا نرغى كتيييييييير كانت و حشانى قوى البنت دى و زعلانة علشان هتسافر و تسبنى فى العيد بس انا بتمنى ان النت يهون الامور.الوقت مر علينا بسرعة قوى فقولنا نركب سوى معادى وانزل على الدائرى الكلام خدنا ونسينا هنزل فين و لاقيت نفسى فى المعادى وصلتها و رجعت مبسوطة قوى.انا ورانيا لينا عادة كدة بنعملها فى كل مكان نروحه ان احنا نكتب على المناديل او على تذاكر السينما نكتب انطبعتنا و كلام هزار كدة بس بتكون ذكريات جامدة.دة كان اول احتفال ياترى التانى هيكون فين ومع مين وياترى هيكون حلو كدة ولا احلى :D
الاشتراك في:
تعليقات الرسالة (Atom)
هناك تعليقان (2):
وانتى طيبة
كل سنة
كل سنة و أنتي طيبة ...رغم انها متأخرة 95 يـــــوم :-)
إرسال تعليق