عن الديمقراطية
قرب قرب قرب ...محاضرة مجانية ..فى الديمقراطية..من رئيس الدولة اللى هى...قرب قرب قرب...قالك ايه قالك آه ..قالك عليز تحكم؟...خدها منى كلمة صريحة فصيحة..و انت فوق ...فوق الناس...حتى ان كنت واطى و دون...هلسك يبقى مسار للاجيال...تخريفك يبقى قانون....مزنوق فى كام مليون؟
افتح باب الاستعباد ...سميه استيراد...عقود...عمولات و سلاح...سميه انفتاح او سميه اصلاح....زهقت؟
....اقفل الباب و الشباك...سميه تصحيح او استدراك كان حد بيراجع وراك؟...شوف بلاد العالم.... لف و دوركما الدبور...حاور ناور العب كمان فى الدستور...طول دقنك...و ان حبكت البس عمة...و قول مصلحة عامة... صاحب انهاردة عدو امبارح...تنح فى المرد...لون فى الكلام... وان سألوك سميه سلام... و طول ما انت راعى لقطيع..الكل يمأمأ لما تقول...هز عصاك... سميه تطبيع...غير الملامح فى المرايا...سوق الناس بالعصاية...او بالتجويع...سطح تفه عقول الخلق....امحى كل اللى يقولك لأ...بصاجات و رقصة و طبلة و رق...الليل الليل يا ميمون ....اى عك و سميه فنون...نسبة نجاحاك ميه الميه..صبح و ظهر و عصر و مغربية...غير فى التسمية...مرة شيوعى و مرة اشتراكى...او رأس مالى والحرية و الوطنية...و ان سألوك لحكمك اساس رد بكل حماس...قول بصراحة او ببجاحة...طبعا الديمقراطية .
ليست هناك تعليقات:
إرسال تعليق